శ్రీ పాద శ్రీ వల్లభ పరబ్రహ్మాణేినమః
వారి ఇంట ఎన్నియో నాగుపాములు తిరుగుచుండెను. కానీ అవి ఎవరికి హాని చేయవు. నాగుపాములను వారు కన్నబిడ్డలు వలె చూచుకొందురు. అవి వారి దేహములపై యదేచ్చగా తిరుగుచుండును.
దివ్యనాగులకు మణి ఉండును. అనేక సంవత్సరములు అతడు నాగోపాసన చేసెను. అతడు కాలనాగు యొక్క మణిని పూజార్థము పొందదలచి నాగదేవతను ప్రార్ధించెను.నాగేంద్రశాస్త్రి: నాయనలారా! నేడు ఎంతయో సుదినము. నేను శ్రీపాదుల వారు 15 సంవత్సరముల బాలుడుగా ఉండునప్పుడు శ్రీపీఠికాపురమును పోయితిని.
పాదగయా క్షేత్రమును దర్శించితిని. స్వయంభూదత్తుని మెడలో కాలనాగును ఒకదానిని చూచితిని. దానిపై మణి ఉండెను. కాలమును శాసించెడు నాగులకు కాలనాగులు అని పేరు. వాటికి ఖచ్చితముగా మణి ఉండును. ఆ మణి రాత్రి పూట దివ్యకాంతిని ప్రసరింప చేయుచుండును. వాటికి కుండలినీ శక్తి ఉండును. అవి మహర్షుల వలె నిరంతరమూ యోగ ధ్యానమున ఉండుట కద్దు.
మానవులకే కాకుండా నాగులకు కూడా రకరకముల స్థితులు ఉండును. కాలనాగులు సాధారణముగా మనుష్యులకు కానరావు. కాలనాగుల ఫణము మీద ఉండు నాగమణికి అంగారకగ్రహము నుండి వచ్చు అశుభస్పందనలను నివారింపచేయు శక్తి ఉండును. ఆయా అశుభస్పందనలు నాగమణి యందు లయమైపోయి దాని నుండి శుభప్రద స్పందనలు వెలువడుచుండును.
ఆ మంగళమయ స్పందనలు మంగళగ్రహ పీడితులకు శుభములను ప్రసాదింప చేయగలుగును.జాతకములో మంగళగ్రహము సరిగా లేనియెడల జీవితములో పోరాటనకర పరిస్థితులు ఉండును.
గృహము నందలి వారితో విరోధము, బంధుమిత్రాదులతో విరోధము, ఋణబాధ, కన్యలకు యుక్తవయస్సులో వివాహము కాకపోవుటయే కాక వృద్ధకన్యలుగా మిగిలిపోయెడి పరిస్థితి, వివాహము అయిననూ సంతానము లేకపోవుట, ఏ పని ప్రారంభించిననూ, ఎంత సామర్ధ్యము ఉన్ననూ అక్కరకు రాకపోవుట మున్నగునవి జరుగుచుండును.
స్వయంభూదత్తుని దర్శించిన అనంతరము నాలో కాలనాగు యొక్క మణిని సంపాదించి తీరవలెను అనెడి ఆకాంక్ష తీవ్రమవసాగెను. ఆ మణిని నేను పొందిన యెడల జీవితము లోని అన్ని స్థాయిలలోనూ విశేషమైన పురోవృద్ధిని పొందగలిగెదనని ఆశ మిక్కుటము అవసాగెను.
సర్వం శ్రీ పాద శ్రీ వల్లభ చరణారవిందమస్తు🙏
0 Comments